Mistök leiðrétt

Úps. Mér varð heldur betur á í messunni í síðasta pistli þegar ég endurskírði Lyngdalsheiðina, sem vel að merkja er heiðin mili Laugardals og Þingvalla. Ég fékk margar athugasemdir sem enduðu með því að ágætur náttúrufræðingur hringdi í mig til að leiðréttingin kæmist nú örugglega til skila.

Ég kann nú enga skýringu á þessu aðra en að leiðslum hafi slegið saman í heilanum á mér eftir hristinginn yfir heiðina (sem sagt vottur af heilahristingi), því ég veit vel hvað heiðin heitir. Líndalsheiði er bara alls ekki til, hins vegar eru til örnefni kennd við lín sem minna á þá daga þegar lín var ræktað hér á landi, t.d. Línakradalur norður í Húnavatnssýslu.

Svo þakka ég fyrir athugasemdirnar.  

 

 

Athugasemdir

[LKS - hvunndagshetja, 29.7.2007 kl. 19:56]

Já, það er ekkert að því að örnefni séu kennd við lín, ég var í dag á Þingvöllum og skoðaði stærðarinnar skilti á vegg í Þjónustumiðstöðinni og sá þar eitthvert kennileitið kennt við vaðmál. Man nú ekki nógu vel hvort það var dalur, vellir, engi eða eitthvað annað, en eftirtektarvert var það.