Dómari missir starf sitt vegna vændiskaupa

Dagens Nyheter segir frá því í dag að dómari við undirrétt í Malmö hafi endanlega tapað máli sem hann höfðaði til að fá starf sitt til baka. Hann var handtekinn og skráður fyrir um það bil ári er lögreglan í Malmö réðist inn í vændishús þar í borg. Þar voru staddir um 60 karlmenn sem allir voru settir á skrá yfir vændiskaupendur. Kaup á vændi eru sem kunnugt er refsiverð í Svíaríki og sektum beitt ef menn eru staðnir að verki. Nú hefur dómstóll staðfest að hegðun dómarans hafi valdið honum slíkum álitshnekki og dregið svo úr trausti á honum að ekki sé réttlætanlegt að hann fái starf sitt til baka. Þetta er tímamótadómur.

Lögin um bann við kaupum á vændi eru að virka og eflaust verður þessi dómur mörgum karlinum viðvörun. Vonandi styttist í að við fáum sams konar lög hér á landi. Þau eru besta leiðin til að draga úr eftirspurn eftir kaupum á líkömum kvenna og barna. Þau voru sett vændiskaupendum og melludólgum til höfuðs. Svo er hin hliðin á málinu, það þarf að hjálpa þeim konum og börnum sem neyðast til að stunda vændi þannig að þau geti hafið nýtt líf, laus við eiturlyf og þvingarnir þess þrælalífs sem vændi er.   

Athugasemdir

[Guðrún Magnea Helgadóttir, 27.6.2007 kl. 15:34]

Ha, ha, ha.... Hvað verður svo um Gunnar I Birgisson bæjarstjóra í Kópavogi? Er karlinn enn á Goldfinger í boði Geira?

[Róbert Tómasson, 27.6.2007 kl. 17:36]

Skil ekki þetta vesen í kringum vændi, ef einn vill selja og annar kaupa og báðir eru með réttu ráði, er þetta þá bara ekki í lagi?  Svo er annað það er alltaf talað um vændiskonur eingöngu en staðreyndin er sú að það eru líka til vændiskarlar.

[Sigurður Hreinsson (IP-tala skráð) 27.6.2007 kl. 21:43]

Vændi hefur verið til frá öróvi alda.  Það eru konur sem velja þessa iðngrein ekki bara karlar það eru þær sem bjóða upp á þetta.  Væri ekki tilvalið fyrir þig að komast nærri þessum konum og banna þeim að bjóða þessa þjónustu.  Þetta er kvenavandamál ekki vera alltaf að kenna karlmönnum um.  Góðir verslunarmenn reyna að selja, þeir bjóða upp á vöru ef hún selst ekki taka þeir hana af markaði.  Taktu þær af markaði ef þú getur, en þið konur getið víst aldrei staðið saman um neitt.  Reyndu nú að leysa vandamálið ekki bara að tala um það eða skrifa, framkvæmdu.

[Katrín Anna Guðmundsdóttir, 27.6.2007 kl. 23:01]

Frábærar fréttir. Er bara hálf abbó út í Svíana að vera þó komnir þetta langt í mannréttindamálunum

[Geir Jónsson (IP-tala skráð) 28.6.2007 kl. 05:41]

1. Það eru til karlar sem selja sig.

2. Sumir kjósa að selja sig af fúsum og frjálsum vilja.

Mannsal er viðbjóðslegt en að ráðast gegn vændi eða klámi almennt er ekki rétta leiðin. Við gætum alveg eins bannað áfengi í nafni þess að minnka ofbeldistíðni um helming, en slíkt er ekki réttlætanlegt gagnvart þeim sem fara vel með áfengi.

[Edda Agnarsdóttir, 28.6.2007 kl. 14:55]

Gott að sjá eitthvað gerast í þessum málum og vonandi líka hér á landi innan skamms. Stundum hefur karlmönnum sem eru fylgjandi klámi verið bent á hvort þeir gætu séð dætur og systur í vændisiðju, nokkrir hafa sagt nei aðrir tala út og suður, en ég man ekki eftir að hafa séð neitt um það hvort þeir væru fúsir til að vera giftir vændiskonum því það  eru margar þeirra giftar.

[Úlfar Þór Birgisson Aspar, 30.6.2007 kl. 07:52]

Sæl Kristín,Sænska leiðin er ekkert gull í mínum huga er vændi bæði kaup og sala ólögleg,og þá skiptir engu ástæðurnar.Á frummáli þjóða heitir þetta Hórdómur og það málesa mikið um slíkt í bók bókanna bíblíunni góðu.Það má bara enginn tala um guðs vilja í dag.

[Ragnar Geir Brynjólfsson, 30.6.2007 kl. 12:02]

Vændi er félagsleg plága og draugur fortíðar sem háskalegt er að vekja upp að nýju með fulltingi ofurfrjálslyndis og ofurfrjálshyggju. Núverandi lög okkar sem samþykkt voru á síðasta vorþingi eru of opin hvað þetta varðar því hægt er að líta svo á að bæði kaup og sala vændis sé heimil samkvæmt þeim. Það þarf að yfirfara lagarammann hér og það helst fljótt. Núverandi aðstæður eru ávísun á vandræði.